पोखरा – ऐतिहासिक कोटिहोम महायज्ञका विभिन्न विशेष कार्यक्रमहरू सार्वजनिक गरिएको छ। यो महायज्ञ विविध धार्मिक, आध्यात्मिक, सामाजिक तथा सांस्कृतिक गतिविधिहरूसहित भव्य रूपमा सम्पन्न गरिने योजना गरिएको छ।
↘️महायज्ञका विशेष कार्यक्रमहरू:१. विविध प्रचारात्मक कार्यक्रम – चैत्र १७ गतेदेखि वैशाख १० गतेसम्म विभिन्न प्रचारात्मक गतिविधिहरू सञ्चालन गरिनेछन्।२. बृहत् साइकल प्रभातफेरी (र्याली) – २०८२ वैशाख ११ गते बिहान ७:०० बजे आयोजना गरिने।३. बृहत् ट्याक्सी प्रभातफेरी (र्याली) – २०८२ वैशाख १२ गते बिहान ७:०० बजे सञ्चालन गरिने।४. बृहत् मोटरसाइकल प्रभातफेरी (र्याली) – २०८२ वैशाख १३ गते बिहान ७:०० बजे आयोजना गरिने।५. बृहत् डुङ्गा प्रभातफेरी (र्याली) – २०८२ वैशाख १४ गते बिहान ७:०० बजे गरिने।६. बृहत् पैदल यात्रा – २०८२ वैशाख १५ गते बिहान ७:०० बजे आरम्भ गरिने।७. विशाल मङ्गलमय कलश यात्रा – २०८२ वैशाख १६ गते बिहान ७:०० बजे आयोजना गरिने।८. विशेष शास्त्रीय प्रवचन – जगद्गुरु, साधु, सन्त, महन्त तथा प्रसिद्ध कथा वाचकहरूको सहभागितामा नियमित प्रवचन हुने।९. नियमित हवन तथा पुण्यमय कर्महरू – २०८२ वैशाख १७ देखि जेठ २६ गतेसम्म सयौं गुरुहरूद्वारा सम्पन्न गरिने।१०. सांगीतिक तथा सांस्कृतिक कार्यक्रम – राष्ट्रिय तथा अन्तर्राष्ट्रिय ख्यातिप्राप्त कलाकारहरूको प्रस्तुति।११. राजनीतिक तथा सामाजिक व्यक्तित्वहरूको आगमन – देश तथा विदेशका समाजसेवी एवं राजनेताहरूको सहभागिता।१२. धार्मिक तथा आध्यात्मिक वातावरण – सम्पूर्ण महायज्ञ धार्मिक तथा आध्यात्मिक परिवेशमा सम्पन्न गरिने।
↘️महायज्ञ अन्तर्गत विशेष धार्मिक अनुष्ठानहरू:विवाह साइत – २०८२ वैशाख १, ३, ५, ७, ८, १६, १७, २२, २३, २८ गते हजारौंको सामूहिक विवाह सम्पन्न गरिने।व्रतबन्ध साइत – २०८२ वैशाख ५, १९, २४ गते एकल व्रतबन्ध गरिने।चौराशी पूजा साइत – २०८२ वैशाख २९ गते सोमबार हजारौंको एकल चौराशी पूजा सम्पन्न गरिने।↘️महायज्ञका महत्वपूर्ण दिनहरू:भूमि पूजन तथा यज्ञ कुण्ड खन्ने कार्य – २०८२ वैशाख ३ गते बुधबार बिहान ११:०१ र ११:११ बजे सम्पन्न गरिने।महायज्ञको पूर्वाङ्ग – २०८२ वैशाख १७ गते बुधबार बिहान ७:२७ बजे।
↘️हवनात्मक कार्य प्रारम्भ – २०८२ वैशाख १९ गते शुक्रबार, जसअनुसार:अग्नि मन्थन – बिहान ६:४४ बजे।यज्ञ कुण्डमा अग्नि प्रवेश – बिहान ७:१५ बजे।अग्निमा समिधा दान – बिहान ७:१९ बजे।अग्नि कुण्डमा आहुति प्रदान – बिहान ८:०५ बजे।महायज्ञको पूर्णाहुति, अभिषेक तथा प्रसाद ग्रहण – २०८२ जेठ २६ गते सोमबार सम्पन्न गरिने।यस भव्य महायज्ञमा सहभागी हुन सम्पूर्ण भक्तजनहरूलाई आयोजक समितिले हार्दिक निमन्त्रणा गरेको छ।
