ढोरपाटन नगरपालिकाका मेयर देवकुमार नेपाली सम्पर्कविहीन भएका छन् ।
उनले प्रयोग गर्दै आइरहेको मोबाइल नम्बर अफ छ भने नगरपालिकाका अन्य जनप्रतिनिधिसँग पनि सम्पर्क नभएको उपप्रमुख धनबहादुर कठायतले जानकारी दिए ।
कठायतका अनुसार नेपालीले ५ गते कार्यवाहकको जिम्मेवारी दिएको चिठ्ठी पठाएका थिए ।स्रोतका अनुसार नेपाली ३ दिनअघिबाटै सम्पर्कमा छैनन् ।
नगर प्रमुख नेपाली अध्यक्ष रहेको इमेज बचत तथा ऋण सहकारी संस्थाले बैशाख ९ गतेबाटै कारोबार बन्द गरेको सूचना जारी गरेको छ ।
पोखरामा समेत शाखा रहेको इमेज सहकारीका सदस्यले आफूहरुले बचत गरेको रकम फिर्ता नपाएपछि शनिबार जिल्ला प्रहरी कार्यालय कास्कीमा पनि पुगेका थिए ।
तर, सहकारीको विषयमा स्थानीय तहले हेर्ने भएकाले पोखरा महानगर पठाएको जिल्ला प्रहरी कार्यालय कास्कीका प्रवक्ता श्रवणकुमार विकले जानकारी दिए ।
