गोरखा- देशभरका ज्योतिष वास्तु तथा तन्त्र शास्त्रविदहरुको राष्ट्रिय सम्मेलन भव्य रुपमा गोर्खामा सम्पन्न भएको छ। चैत ८र ९ गते सम्पन्न यस अभूतपूर्व विद्वत सभामा राष्ट्र भरका विशिष्ट विद्वानहरुको सहभागीता रहेको थियोे ।
२ दिन सम्म संचालित उक्त महासम्मेलनमा विभिन्न विधामा प्रशिक्षण तथा ज्ञान प्रदान गरिएको थियो ,साथै ज्योतिष,वास्तु तथा तन्त्र शास्त्रमा विशेष योगदान पुर्याउनु हुने विद्वानहरुलाई विभिन्न पदवी र सम्मान पत्र प्रदान गरिएको थियोे ।
गण्डकी प्रदेश सरकारका माननीय उद्योग तथा पर्यटन मन्त्री मित्रलाल वस्यालको प्रमुख आतिथ्यतामा सम्पन्न उक्त सम्मेलनमा गोर्खा नपाका मेयर कृष्ण थापा,सहित विभिन्न विद्वानहरुले शुभकामना व्यक्त गर्नुभएको थियोे ।कार्यक्रममा वास्तु विषयमा डा माधव मंगल जोशी ,तन्त्र विषयमा डा शहदेव विष्ट,ज्योतिष विषयमा डा लोकराज पौडेलले प्रशिक्षण प्रदान गर्नुभएको थियो ।
प्रशिक्षण पश्चात विभिन्न विधामा उल्लेख क्षमता र योगदान पुर्याउनुहुने देश भरका ज्योतिषीहरु सम्मानित हुँदै गर्दा दक्षिण एसियाली ज्योतिष महासंघ गण्डकी प्रदेशका सभापति ज्योतिष पण्डित विष्णुप्रसाद सुवेदीलाई ज्योतिष रत्न अवार्ड तथा गोरखनाथ अवार्ड गरि दुईवटा अवार्डद्वार उच्च सम्मान प्रदान गरिएको छ। महासंघका राष्ट्रिय सभापति पंडित खिलानाथ काफ्लेले सचापतित्वमा संचालित तथा रविन पगेनीको स्वागत मनतव्यमा अगाडि बढेको यस कार्यक्रमको संचालन भने अन्तर्राष्ट्रिय समितिका सभापति आचार्य लक्ष्मण पन्थीले गर्नुभएको थियोे ।
कार्यक्रम सम्पन्न पश्चात सहभागीहरुलाई गोर्खा जिल्लाका विभिन्न ऐतिहासिक ,धार्मिक तथा पर्यटकीय स्थलहरुको अवलोकन र दर्शन समेतको व्यवस्था मिलाईएको थियो ।
ज्योतिष पंण्डित विष्णुप्रसाद सुवेदीको योगदान :-
देउपुर धार्मिक क्षेत्रको ऐतिहासिक पण्डित कुलमा जन्मेका बिष्णुप्रसाद सुवेदीले कुलपरम्परा अनुसार वाल्यकालको कलिलो उमेरबाटै पिताजीको सहयोगमा ज्योतिष तथा कर्मकाण्ड अध्ययन गर्नुभएको थियो । उमेरको परिपक्वता संगै वहाँ नेपालको वनारस मानिने पर्वतको पाङ आफ्नै मामाघरमा पुगी त्याहाको गुरुकुलमा विशिष्ट विद्वानहरुको कृपाले ज्योतिष तथा कर्मकाण्डमा विशेष अध्ययन गर्नुभएको थियो ।
अध्ययकै शिलशिलामा वनारसवाट ज्योतिष विषयमा आचार्य गर्नुभएकोवहाँले अहिले भने फलित ज्योतिषमा पिएच डि अध्ययन गरिरहनु भएको छ।विगत ३२ बर्ष देखी सरकरी शिक्षकको रुपमा स्थायी सेवा गरि निवृत्त हुनुभएको वहाँ विगत ३५ बर्ष देखी देउपुर तथा पोखराबाट ज्योतिष सेवा प्रदान गरिरहनुभएको छ।
देवपूर धार्मिक क्षेत्रको मुख्य पण्डितको रुपमा रहेका वहाँ विगत लामो समय देखि ज्योतिषीय संस्थाको विभिन्न जिम्मेवारी समाल्दै आउनु भएको छ ।
२०७७ सालमा दक्षिण एशियाली ज्योतिष महासंघको गण्डकी प्रदेश सभापतिमा निर्वाचित वहाँ २०८० सालमा मुक्तिनाथमा सम्पन्न दोस्रोपटकको अधिवेशनबाट पुनः गण्डकी प्रदेशको सभापतिको जिम्मेवारीमा रहनु भएको छ।
लामो समय सम्म ज्योतिष क्षेत्रमा पुर्याएको योगदानको कदर स्वरुप २०७४ सालको अन्तर्राष्ट्रिय ज्योतिष सम्मेलनमा Team Leader Award तथा ज्योतिष भूषण अवार्ड प्राप्त गरेका वहाँले अन्तर्राष्ट्रिय ज्योतिष अलंकार अवार्ड ,पशुपतिनाथ अवार्ड, मुक्तिनाथ अवार्ड सहिद दर्जनौंपटक पुरस्कार तथा सम्मानहरु प्राप्त गर्नुभएको छ।
हाल पोखरा तथा देवपूरबाट ज्योतिष सेवा प्रवाह प्रवाह गरिरहेका ख्यातिप्राप्त ज्योतिष विष्णुप्रसाद सुवेदीले गणित ,फलित,आधुनिक ज्योतिष,वास्तु शास्त्र सहित हस्त ज्योतिष तथा तन्त्र शास्त्रमा विशेष दक्षता राख्दै विश्वासनिय सेवा प्रवाहित गरिरहनु भएको छ।
