चलचित्र “ए साथी सुन” को ट्रेलर सार्वजनिक भएको छ । जेठ ५ गते अल नेपाल रिलिज हुने चलचित्रको ट्रेलर सार्वजनिक भएको हो । २ मिनेट २५ सेकेण्डको ट्रेलर साइराम पिच्चरस्को अफिसियल युटुबबाट सार्वजनिक गरिएको हो । ट्रेलरमा प्रेमील भावना समेटिएको छ ।
सामाजिक विषयवस्तुलाई समेत प्रस्तुत गरिएको पाइन्छ । ट्रेलरमा सुशील पोखरेल, स्वर्गीय जयनन्द लामा, वर्षा शिवाकोटी, रमेश बानियाँ, आयन खड्का, बिमला गिरी, रमेश अधिकारीलाई फिचर गरिएको छ ।
“ए साथी सुन” लभस्टोरी, थ्रीलर र कमेडी जानराको चलचित्र भएको निर्देशक राम राघव आचार्यले जानकारी गराए । ‘ए साथी सुन फरक धारको चलचित्र हो । नेपाली दर्शकको साथ राम्रो मिल्नेमा आशावादी छु ।’, उनले भने ।
चलचित्रमा कृष्मा खड्का र इभान सञ्जेल पनि बाल कलाकारको भूमिकामा देखिएका छन् । ‘ए साथी सुन’ जयनन्द लामा अभिनित अन्तिम चलचित्र हो । बीना कार्की र सन्तोषकुमार राईले मिलेर चलचित्रको निर्माण गरेका हुन् । इभान इन्टरटेनमेन्टको प्रस्तुतिमा निर्माण भएको सिनेमाको सह—निर्मातामा ट्याम कटेल छन् ।
सिनेमालाई आरआर फिल्म्सले वितरण गर्न लागेको हो । यसअघि चलचित्रको शिर्ष गीत “ए साथी सुन” र स्याड भर्जनको लिरिकल गीत “मनले भन्छ” सार्वजनिक भइसकेका छन् ।
