जैमिनि नगरपालिका–६ मा नेपाल तरुण दलको नयाँ कार्यसमिति गठन भएको छ। नवगठित समितिको अध्यक्षमा दिपेन्द्र नायक चयन भएका छन्।
उपाध्यक्षमा अर्जुन थापा र अजय क्षेत्री, सचिवमा तिलक थापा चयन भएका छन् भने सदस्यमा नेत्र केसी, दिवना थापा, फुलमाया नेपाली र एक बहादुर थापा रहेका छन्।
त्यस्तै, जिल्ला प्रतिनिधिमा सैलेश पुन, सदिक्षा थापा र राजेश नायक निर्वाचित भएका छन्। पालिका प्रतिनिधिमा तिला नायक, नारायण नायक, विषम थापा, विकास थापा, सरिता पुन, अशोक नेपाली, तारा नेपाली र जित बहादुर खडका चयन भएका छन्।
कार्यक्रमका प्रमुख अतिथि महासमिति सदस्य तथा तरुण दलका सहसचिव सितराम रसाइलीले “पार्टीको मेरुदण्ड भनेकै तरुण दल हो, यसलाई सक्रिय बनाउँदै युवालाई लक्षित कार्यक्रम र स्वरोजगारको अभियान ल्याउन तरुणहरूले महत्त्वपूर्ण भूमिका खेल्नेछन्” भन्दै शुभकामना व्यक्त गरे।
वडाध्यक्ष राम बहादुर रेग्मीले पार्टीलाई मजबुत बनाउन तरुण दललाई अझ सशक्त र एकढिक्का भएर अघि बढ्नुपर्नेमा जोड दिए। त्यस्तै, क्षेत्रीय सभापति दल बहादुर श्रीसले पनि शुभकामना मन्तव्य राखे।
कार्यक्रममा नेविसंघका केन्द्रीय सदस्य सुजन सापकोटा, बुद्धिजीवी तथा सामाजिक अभियन्ताहरूको उल्लेखनीय उपस्थिति रहेको थियो।
