✍️ अजय क्षेत्री
पोखरा, कात्तिक – जोन्टा क्लब इन्टरनेशनलको १०५ औं वार्षिकोत्सवको अवसरमा जोन्टा क्लब अफ पोखराको आयोजनामा पोखरा–२७ कुमाल गाउँस्थित श्री कल्याण आधारभूत विद्यालयमा विद्यालय सामग्री हस्तान्तरण कार्यक्रम सम्पन्न भएको छ। सो कार्यक्रमको अध्यक्षता जोन्टा क्लब अफ पोखराकी अध्यक्ष रोजिना रञ्जित बिजुक्क्षेले गर्नु भएको थियो।
कार्यक्रममा जोन्टा क्लबका विभिन्न पदाधिकारीहरू उपस्थित थिए जसमा निलिजा केसी, पूजा केसी, सम्झना श्रेष्ठ, सबिता सेरचन, निलिमा गुरुङ, अनिता खड्का, बन्दना कार्की, सिन्थिया कायस्थ, विद्यालय व्यवस्थापन समिति अध्यक्ष गंगा तामाङ र सदस्यहरू चेतबहादुर कुमाल, उदिम गुरुङ, लेखनाथ सापकोटा लगायत अभिभावक, शिक्षक तथा विद्यार्थीहरूको उपस्थिति रहेको थियो।
कार्यक्रममा विद्यालयका लागि कुर्सी, टेबल र कम्प्युटर हस्तान्तरण गरिएको थियो। यस सहयोगले विद्यालयको पठनपाठनमा थप प्रभावकारी सहयोग पुगेको र विद्यालय परिवारमा हौसलाको वृद्धि भएको छ।
जोन्टा क्लब इन्टरनेशनलको वार्षिकोत्सवको उपलक्ष्यमा जोन्टा क्लबलाई हार्दिक बधाई तथा आगामी दिनमा समेत यसरी नै समाजसेवामा अग्रणी रहन प्रगतिको कामना गर्दछौं।
