✍️ अजय क्षेत्री
काठमाडौं – चर्चित व्यक्तित्व जीबीको बारेमा एउटा चौंकाउने खुलासा भएको छ। अनुसन्धान पत्रकार टंक दाहालले आफ्नो सामाजिक संजालमा एक सार्वजनिक पोस्टमा उल्लेख गरेअनुसार, नेपालका ठूला राजनीतिक दलहरूका प्रतिनिधिहरूको मिलेमतोमा जीबीलाई नेपालमा लुकाइएको र फेरी विदेश भगाइएको खुलेको छ।
तथ्यहरूले देखाएअनुसार, जीबीलाई गत भदौमा नेपालमा ल्याइएको थियो, तर केही कुरा नमिल्दा उनलाई रातारात बाहिर पठाइएको थियो। यो घटनामा कांग्रेस, एमाले, र रास्वपाका केही उच्च तहका व्यक्तिहरूको संलग्नता रहेको आशंका गरिन्छ।
ईमेल प्रकरणमा रहस्य:
हालै सार्वजनिक भएको क्याम्बोडियाबाट पठाइएको एक विवादास्पद ईमेलका सम्बन्धमा पनि चर्चित खुलासाहरू भए। दाहालले दाबी गरेका छन् कि उक्त ईमेल वास्तवमा जीबीले होइन, “आचार्य” थरका र एमाले नजिकका व्यक्तिले पठाएका हुन्। यस घटनाले नेपाली राजनीतिमा रहेका गम्भीर समस्या र षड्यन्त्रको पर्दाफास गरेको छ।
दाहालसँग यस घटनाको अडियो रेकर्डिङ रहेको र उनले थप प्रमाण संकलन गर्ने प्रयासमा रहेको बताएका छन्।
विभिन्न पक्षको प्रतिक्रिया आवश्यक:
यो घटना बाहिरिएसँगै नेपाली जनमानसमा राजनीतिक दलहरूप्रति घृणाको भाव उत्पन्न हुन थालेको छ। दाहालले राजनीतिक दलहरूको यस्तो खेलले आम नागरिकलाई मात्र होइन, राज्यका महत्वपूर्ण निर्णय प्रक्रियालाई पनि धमिल्याएको आरोप लगाएका छन्।
अब यो मुद्दामा सत्य के हो र यसको पछाडि लुकेका अरू रहस्यहरू के के हुन् भनेर खोजी गर्नु राज्यको जिम्मेवारी र मिडियाको दायित्व बनेको छ।
