Friday, April 4, 2025

आजको मिति: २०८१ चैत्र २१ ,शुक्रबार

  • खेलकुद
  • खेलकुद
  Latest
Next
Prev

नवौं संस्करणको ‘पोखरा स्पोर्टस् अवार्ड २०८१’ को तयारीमा तीव्रता

Share on facebook
Share on twitter
Share on linkedin

✍️ अजय क्षेत्री
पोखरा — नवौं संस्करणको ‘पोखरा स्पोर्टस् अवार्ड २०८१’ को तयारीलाई तीव्रता दिइएको छ। आगामी बैशाख २० गते आयोजना हुने यस अवार्ड समारोहको तयारी स्वरूप बुधबार खेलकुद पत्रकार मञ्च गण्डकीमा आवद्ध सदस्यहरूको बृहत् भेला सम्पन्न गरिएको छ।


पोखरा रंगशाला स्थित जिल्ला खेलकुद विकास समिति कास्कीको सभाहलमा सम्पन्न भेलामा सहभागीहरूले अवार्ड कार्यक्रमलाई व्यवस्थित बनाउँदै ब्राण्डको रूपमा स्थापित गर्न आवश्यक पहल गर्नुपर्नेमा जोड दिएका छन्।


सोही भेलाले मञ्चका अध्यक्ष मानबहादुर घर्ती (एमबी आस्था) को संयोजकत्वमा मूल आयोजक समिति गठन गरेको छ भने राजाराम पौडेललाई सहसंयोजक चयन गरिएको छ। त्यस्तै, विभिन्न १२ वटा उपसमितिका संयोजकहरू पनि चयन भएका छन्।


उपसमिति संयोजकहरूको नामावली:


आर्थिक संकलन उपसमिति: बिमल तिवारी


प्रचार–प्रसार उपसमिति: राजु गिरी


अन्तर्राष्ट्रिय समन्वय उपसमिति: दीननाथ बराल


संघसंस्था समन्वय उपसमिति: कृष्ण दवाडी


स्वयंसेवक परिचालन उपसमिति: प्रविन मगर


साँस्कृतिक कार्यक्रम उपसमिति: राजाराम पौडेल


स्वागत सत्कार उपसमिति: एकराज गिरी


फोटो तथा भिडियोग्राफी उपसमिति: बसन्त सेर्पा


क्विक रेस्पोन्स उपसमिति: शशीकुमार पौडेल


मञ्च व्यवस्थापन उपसमिति: सन्देश श्रेष्ठ


चिठीपत्र तथा निमन्त्रणा उपसमिति: कविता घर्ती मगर


मुल्यांकन तथा अनुगमन उपसमिति: रामकृष्ण ज्ञावाली


उपसमितिमा आवश्यकतालाई ध्यानमा राख्दै सदस्य थप्ने अधिकार संयोजकलाई दिइएको छ। थप गरिएको सदस्यहरूको जानकारी मूल आयोजक समितिको संयोजक वा मञ्चको कार्यसमितिलाई गराउनुपर्ने व्यवस्था गरिएको छ।


अवार्डको उद्देश्य र विधाहरू


यस वर्षको अवार्ड समारोहमा पुरुष र महिला वर्ष खेलाडी, उत्कृष्ट प्रशिक्षक, उदीयमान खेलाडी, लाइफटाइम अचिभमेन्ट अवार्ड, उत्कृष्ट खेलकुद संघसंस्था वा क्लब र उत्कृष्ट खेल पत्रकारलाई सम्मान गरिनेछ।


२०७२ सालदेखि नियमित रूपमा आयोजना हुँदै आएको पोखरा स्पोर्टस् अवार्डले खेलाडीहरूलाई उर्जा थप्ने उद्देश्य राखेको छ। यस अवार्डले खेल क्षेत्रको विकास र प्रोत्साहनमा महत्त्वपूर्ण भूमिका खेल्दै आएको छ।


Add Your Heading Text Here

Leave a Reply

Your email address will not be published. Required fields are marked *

सम्बन्धित न्यूज

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.

Add New Playlist