Friday, April 4, 2025

आजको मिति: २०८१ चैत्र २१ ,शुक्रबार

  • खेलकुद
  • खेलकुद
  Latest
Next
Prev

पोखरामा पहिलो एलिट भलिबल कप हुने, विजेतालाई आकर्षक पुरस्कार

Share on facebook
Share on twitter
Share on linkedin

पोखरा — एलिट भलिबल एकेडेमी पोखराले आफ्नो पहिलो वार्षिकोत्सव तथा नयाँ वर्षको अवसरमा प्रथम एलिट भलिबल कप आयोजना गर्ने भएको छ। प्रतियोगिता पोखरा–३, नदिपुरमा चैत २९ देखि वैशाख १ गतेसम्म सञ्चालन हुनेछ।


एकेडेमीका सञ्चालक तथा प्रशिक्षक मलिन रोकाका अनुसार प्रतियोगितामा खुला पुरुष तथा महिला भलिबल खेल समावेश गरिएको छ। दुवै समूहमा सातौं, आठौं र नवौं राष्ट्रिय खेलकुद तथा अन्तर्राष्ट्रिय प्रतियोगितामा सहभागी भएका बढीमा दुई खेलाडी समावेश गर्न पाइनेछ।


पुरुषतर्फ विजेताले १ लाख रुपैयाँ नगद, उपविजेताले ५० हजार रुपैयाँ नगदसहित ट्रफी, मेडल र प्रमाणपत्र प्राप्त गर्नेछन्। महिलातर्फ विजेतालाई ५० हजार रुपैयाँ र उपविजेतालाई २५ हजार रुपैयाँ नगद पुरस्कार प्रदान गरिनेछ।


प्रतियोगितामा सर्वोत्कृष्ट पुरुष खेलाडीलाई ५ हजार र सर्वोत्कृष्ट महिला खेलाडीलाई ३ हजार रुपैयाँ नगद प्रदान गरिनेछ। विधागततर्फ उत्कृष्ट हुने पुरुष खेलाडीलाई २ हजार र महिलालाई १५ सय रुपैयाँ दिइनेछ। पुरुषतर्फ दर्ता शुल्क ६ हजार ५ सय र महिलातर्फ ३ हजार ५ सय तोकिएको छ।


प्रतियोगिताबाट संकलित बचत रकमबाट दुई जना सम्भावनायुक्त महिला खेलाडीको कक्षा ११ र १२ को पठनपाठन खर्च ब्यहोर्ने तथा निःशुल्क प्रशिक्षण दिने योजना रहेको एकेडेमीकी प्रशिक्षक तथा राष्ट्रिय महिला भलिबल टोलीकी कप्तान अरुणा शाहीले जानकारी दिइन्।


खेलकुदमार्फत भाइचारा स्थापित गर्न तथा भलिबल खेलको विकासमा टेवा पुर्‍याउने उद्देश्यले आयोजना गरिएको यो प्रतियोगिता भलिबलप्रेमीहरूका लागि उत्साहको विषय बनेको छ।


Add Your Heading Text Here

Leave a Reply

Your email address will not be published. Required fields are marked *

सम्बन्धित न्यूज

Welcome Back!

Login to your account below

Create New Account!

Fill the forms bellow to register

Retrieve your password

Please enter your username or email address to reset your password.

Add New Playlist