पोखरा, – हालै हेटौंडा उपमहानगरपालिकामा आयोजित खेलकुद महोत्सवमा प्रथम स्थान हासिल गरेको पोखरा महानगरपालिकाको हक्की टिमलाई पोखरा लेडी जेसिजले बधाई ज्ञापन गर्दै हक्की खेल सामग्री वितरण गरेको छ।
सोही अवसरमा टिमलाई २५ थान हक्की बल हस्तान्तरण गरिएको थियो। साथै, पोखरा-१३ का निवर्तमान अध्यक्ष तथा समाजसेवी दर्शन लामाले १८ थान जर्सी सेट समेत हस्तान्तरण गर्नुभएको थियो।
कार्यक्रमका प्रमुख अतिथि दीपक बहादुर गोदार , विशिष्ट अतिथि निवर्तमान अध्यक्ष दर्शन लामा, जिल्ला खेलकुद विकास समिति कास्कीका प्रमुख सुन बहादुर लामा, हक्की संघका केन्द्रीय उपाध्यक्ष हिमाल खड्का, केन्द्रीय सदस्य हितकुमार गुरुङ लगायत विशिष्ट व्यक्तित्वहरूको उपस्थिति रहेको थियो।
कार्यक्रमको सञ्चालन पोखरा लेडी जेसिजकी सचिव कुरुणा पाण्डेले गरेकी थिइन् भने सभापतित्व पोखरा लेडी जेसिज २०२५ की अध्यक्ष अनिता थापाले गरेकी थिइन्।
