✍️ अजय क्षेत्री
काठमाडौं – काठमाडौं महानगरपालिका वडा नम्बर १६ का नव निर्वाचित वडाध्यक्ष रोजिना श्रेष्ठले आज पद तथा गोपनीयताको शपथ ग्रहण गर्नुभएको छ। स्थानीय तहको उपनिर्वाचनमार्फत विजयी हुनुभएकी श्रेष्ठलाई काठमाडौं महानगरका प्रमुख बालेन्द्र शाह (बालेन) ले आफ्नो कार्यकक्षमा आयोजित विशेष समारोहमा शपथ गराउनुभएको हो।
शपथ ग्रहण समारोहमा महानगरका पदाधिकारी, कर्मचारी, र अन्य विशिष्ट व्यक्तित्वहरूको उपस्थिति रहेको थियो। नव निर्वाचित वडाध्यक्ष श्रेष्ठले आफ्नो कार्यकालमा वडा नम्बर १६ को समग्र विकास र जनताको हितका लागि समर्पित रहने प्रतिबद्धता व्यक्त गर्नुभएको छ।
श्रेष्ठको शपथ ग्रहणसँगै वडा नम्बर १६ को नयाँ नेतृत्वले औपचारिक रूपमा कार्यभार सम्हाल्ने छ।
