प्रम ओलीको शुभकामना छापिएको अग्निचक्रको पोखरा-कोटिहोम-विशेषाङ्क प्रकाशित भएको देखिन्छ । १६ वर्ष देखि निरन्तर प्रकाशित हुँदै आएको अग्निचक्र मासिकले वर्ष १६, अङ्क ८, पूर्णाङ्क १६० (फागुन २०८१) लाई श्री गण्डकी कोटिहोम पोखरा विशेष-अङ्कको रूपमा प्रकाशित गरेको छ । पोखरामा यही २०८१ चैत १७ देखि २०८२ जेठ २६ सम्म हुने भनिएको कोटिहोमको सम्पूर्ण विषयवस्तु समेटिएको अग्निचक्र मासिकमा प्रधानमन्त्री ओली, नेपाल पत्रकार महासंघका केन्द्रीय अध्यक्ष लगायतका व्यक्तित्वहरुको शुभकामना-मन्तव्य प्रकाशित भएको देखिन्छ ।
यसका अलावा पोखरा महानगरपालिका क्षेत्रका स्थानीय जनप्रतिनिधिहरु, उद्योगी, पर्यटन व्यवसायीहरु, समाजसेवीहरु, विद्वान् पोखरेलीवासीहरुको अन्तर्वार्ता तथा शुभकामना समेत प्रकाशित भएको पाइएको छ ।
वालयोगेश्वोर विजयश्री कृष्णमूर्ति जी महाराजले संकल्प गर्नुभएको श्री गण्डकी कोटिहोम पोखराको प्रतीक्षामा आम पोखरावासी तथा ७७ वटै जिल्लाका सनातन धर्मप्रेमीहरु कोटिहोम शुरु हुने मिति पर्खेर बसेका कुरा अग्निचक्रमा प्रकाशित भएको छ ।
लक्ष्मी नारायण भट्टराई सम्पादक/प्रकाशक रहनु भएको तथा ४० पेजमा प्रकाशित हुने गरेको अग्निचक्रको यो विशेष-अङ्कका प्रमुख खबरहरुलाई यहाँ फोटो खिचेर राखेका छौँ । यहाँ हेर्नुस् :—–
