बागलुङ — बागलुङ उद्योग वाणिज्य संघको १९औं महाधिवेशनको लागि उमाकान्त शर्मा (बाबु) को नेतृत्वमा रहेको टिमले अध्यक्ष पदका लागि उम्मेदवारी घोषणा गरेको छ। उद्योगी, व्यापारी, व्यवसायीहरूको हक, हित र अधिकारको सुरक्षा र सुनिश्चितताको लागि लामो समयदेखि विभिन्न पदमा रही योगदान दिएका बाबु अंकल र उनको टिमले यसपटकको महाधिवेशनमा उम्मेदवारी दर्ता गरेको हो।
उद्योग, व्यापार, उत्पादन र पर्यटन क्षेत्रको विकासमा नवीनता थप्दै सबै सदस्यहरूलाई अपनत्वको अनुभूति दिलाउने प्रतिबद्धताका साथ यो टिमले चुनावी प्रतिस्पर्धामा होमिएको छ। टिमले सम्पूर्ण उद्योगी, व्यापारी, व्यवसायी, दाजुभाइ, दिदीबहिनी, आमा-बुबा र शुभचिन्तकहरूलाई आफ्नो अमूल्य मत प्रदान गरी विजयी गराउन हार्दिक अनुरोध गरेको छ।
आगामी दिनमा उद्योग वाणिज्य संघको मार्गदर्शनमा रहेर समग्र क्षेत्रको समृद्धि र विकासमा योगदान पुर्याउने प्रतिबद्धता व्यक्त गर्दै, बाबु अंकलको नेतृत्वमा रहेको यो टिमले सबैको साथ, समर्थन, सल्लाह र सुझावको अपेक्षा गरेको छ।
महाधिवेशनको तयारीलाई लिएर उद्योग वाणिज्य संघ बागलुङमा उत्साहको वातावरण छ, जहाँ यसपटकको निर्वाचनमा उमाकान्त शर्मा (बाबु) नेतृत्वको टिमले नयाँ आयाम थप्ने विश्वास गरिएको छ।
बागलुङ उद्योग बाणिज्य संघको ६१ औं वार्षिक साधारणसभा तथा १९ औं महाधिवेसन आगामी चैत १५ र १६ गते हुँदैछ ।
