✍️ अजय क्षेत्री
पोखरा । बसबाट ओर्लिएपछि बाटो काट्नेक्रममा पोखरामा शनिबार बसको ठक्करले एक वृद्धाको मृत्यु भएको छ ।
पोखरा विन्ध्यवासिनी चोकबाट सराङकोट जाँदै गरेको ग१ख ४१५६ नम्बरको बसबाट ओर्लिएपछि बाटो काट्ने क्रममा स्थानीय ७२ वर्षीय ललिता थापालाई शनिबार दिउँसो सोही बसले ठक्कर दिएको थियो ।
ठक्करबाट घाइते थापालाई मणिपाल शिक्षण अस्पताल लगिकोमा चिकित्सकले दिउँसो करिब ४ बजे मृत घोषणा गरेको कास्की प्रहरीले जनाएको छ ।
पोखरा लेखनाथमा गत साता पनि यस्तै प्रकृतिको घटनामा एक वृद्धाको मृत्यु भएको छ ।
