पोखरा, १ भदौ
पोखराको लेकसाईडमा धेरै खाले रात्री व्यवसायहरु छन् । केही दोहोरी साँझहरु छन् । केही लाईभ म्युजिक गर्ने रेष्टुरेण्टहरु छन् भने केही डिस्कोथेकहरु छन् । धेरै रात्रीकालिन व्यवसाय बीच छुट्टै पहिचान बनाएको व्यवसायिक सँस्था हो क्लव सिक्सटिन । लेकसाईडको १६ नम्बर गल्लीमा रहको हुनाले यसको नाम नै क्लव सिक्सटिन राखिएको क्लवका अधिकारीहरु बताउँछन् ।
क्लव सिक्सटिनले पोखराको रात्रीकालीन व्यवसायमा अलग पहिचना बनाएको यसकी म्यानेजर तेन्जिङ छोतेन बताउँछिन् । त्यसो त क्लवले छिमेकीको रात्री जीवनलाई दख्खल पुर्याएको, बाउन्सरहरुले ग्राहकलाई दुव्र्यवहार गरेको, यौन व्यवसायलाई वढावा दिएको जस्ता आरोपहरु पनि आउने गरेका छन् ।
तर म्यानेजर छोतेन ग्राहकहरुको सुरक्षालाई मध्यनजर गर्ने क्रममा केही प्रयासहरु हुने गरेको बताउँछिन् । ‘नाईटलाईफ विजनेस हो, सानातिना मनमुटावहरु त भईहाल्छन् नै, तर पनि हामी हाम्रा ग्राहक र छिमेकीलाई अहित हुने क्रियाकलाप हुन नदिन उच्च प्रयास गरिरहेका हुन्छौं ।’ छोतेनको भनाई थियो ।
उनले सुरक्षाका लागि क्लवमा ३२ जना बाउन्सहरु राखिएको दावी गरिन् । सुर्यचक्र सेक्युरिटिज मार्फत ती बाउन्सहरु क्लवमा राखिएको उनको भनाई छ । क्लवमा आउने ग्राहकरु सबै जना एकनासको नहुने हुनाले केही विवादहरु उत्पन्न भएपनि बजारमा हल्ला भएजस्तो नभएको उनको जिकीर छ ।
क्लवका संचालक रमेश कार्की हुन् । उनको व्यवसाय पोर्चुगलमा पनि छ । व्यवसाय सञ्चालनको क्रममा उनी पोर्चुगल र नेपाल आउजाउ गरिरहन्छन् । आन्तरिक तथा वाह्य युवा पर्यटकलाई लक्षित गरी यो क्लव सञ्चालनमा ल्याईएको हो ।
