✍️अजय क्षेत्री
नेपाल आइडल सिजन ५ का विजेता करण परियारको पोखरा लाइभ कन्सर्ट हुने भएको छ । साउन ११ गते शुक्रबार पोखराका लेकसाइडमा रहेको प्याराडिसो स्पोर्टस् बार एण्ड ग्रिलमा हुन लागेको हो ।
परियारलाई द व्यण्डका साथै सुनिल बस्याल र सञ्जित सेवानले साथ दिने छन् । नेपाल आइडलको विजेता बनेपछि उनी लाइभ कन्सर्टका लागि पोखरामा पहिलो पटक आउन लागेका हुन् ।
नेपाल आइडलमा निकै रुचाएका परियार आइडल पछि विभिन्न गीत निकाली सकेका छन् । उनले आफ्ना नयाँ गीत र चर्चित पुराना गीतहरु प्रस्तुत गर्ने बारका म्यानेजर हरि पौडेलले बताए ।
बर्दियाको पदनामा जन्मिएका करण नेपाल आइडलमा सहभागी हुदा देखी नै धेरैले मनपराएका गायक थिए । संगीत सिकेको सात महिनामा संगीत सिकाउने गुरुको सल्लाहामा नेपाल आइडल सिजन– ५ मा सहभागी भएका थिए । उनले समय यो फर्काउनु छ, मैले सम्झने मान्छे, लर्के जोवन, बैना जोवन लगाएतका गीत रेकर्ड भैसकेका छन् । अहिले उनलाई भ्याइनभ्याइ छ ।
‘फुड, ड्रिङ् र म्युजिक’ स्लोगन सहित खेलकुद तथा परिवारीक वातावरण बारमा रहेको म्यानेजर पौडेलले बताए ।
