लेखनाथ उद्योग वाणिज्य संघको २५औँ साधारण सभा तथा १५औँ अधिवेशन आगामी भदौ २० र २१ गते हुँदैछ। संघको नेतृत्वमा प्रतिस्पर्धा चर्किदै गर्दा व्यवसायी विक्रम कर्माचार्यले प्रथम उपाध्यक्ष पदका लागि आफ्नो उम्मेदवारी सार्वजनिक गरेका छन्।
“ईमानदारीता, पारदर्शिता र लगनशीलता व्यवसायिक क्षेत्रमा सबैभन्दा महत्वपूर्ण आवश्यकता हो” भन्ने नारासहित कर्माचार्यले व्यवसायिक हित र संघको संस्थागत सुदृढीकरणका लागि आफू तत्पर रहेको प्रतिबद्धता व्यक्त गरेका छन्।
उम्मेदवारी घोषणा गर्दै उनले व्यवसायी समुदायलाई आफ्नो पक्षमा मतदान गरी विजयी गराइदिन आग्रह गरेका छन्। अधिवेशनमा विभिन्न पदका उम्मेदवारबीच रोचक प्रतिस्पर्धा हुने देखिएको छ।
