श्रीपति समाज सेवा पुरस्कार २०८० बाट पोखरा महानगरपालिका वडा नं. २ अवस्थीत विन्दावासिनी धार्मिक क्षेत्र विकास समिति छनौट भएको छ । श्रीपती समाज सेवा पुरस्कार २ लाख २२ हजार २ सय २२ श्रीपति समाजसेवा पदक र ताम्रपत्रद्वारा सम्मान गरिने श्रीपति कोइराला गुठीका अध्यक्ष फणिन्द्रराज कोइराललो जानकारी दिए । श्रीपति कोइरालाको २१६ औ जयन्तीको अवसरमा पुरस्कारको घोषणा भएको हो ।
![](https://samanantarmedia.com/wp-content/uploads/2023/07/received_245329031780740-1024x683.jpeg)
विन्दावासिनी धार्मिक विकास क्षेत्र समिति अन्तर्गत रहेको विन्दावासिनी मन्दिर नेपालका शक्तिपिठहरु मध्ये प्रमुख शक्ति पिठको रुपमा मानिन्छ । २७ रोपनी क्षेत्रमा फैलिएको विन्दावासीनी शक्तिपिठ टाढाबाट दृश्यावलोकन गर्दा एउटा तलाउ विचमा फुलेको शोभायमान कमल फुल देखिन्छ ।
![](https://samanantarmedia.com/wp-content/uploads/2023/07/FB_IMG_1689263679840-1024x683.jpg)
पोखरा महानगरपालिका वडा नम्बर २ स्थित बिन्दावासिती शक्ति पिठ नेपाल तथा भारतका श्रद्धालु भक्तजनहरुको आस्थाको केन्द्र रहेको छ । नेपाली र भारतियहरुको समेत पूजनिय केन्द्रको रुपमा रहेको हिन्दु मात्र नभई गैर हिन्दु समेतको आस्थाको प्रतिकको रुपमा माता विन्दावासिनीलाई लिने गरिन्छ ।
विन्दावासिनी धार्मिक क्षेत्र अन्तर्गत बहुउद्देश्यीय सत्संग भवन, विन्दावासिनी वैदिक विद्याश्रमको छात्रवास भवन, सत्य हवन हुने यज्ञ मण्डप र पूजा मण्डप, विन्धावासिनी वौद्धिक विद्यालयम, विभिन्न देवी देवताका मठ मन्दिरहरु रहेका छन् । विन्दावसिनी गुरुकुल विद्याश्रम निःशुल्क आवासिय रुपमा संचालन भई रहेको छ । जेष्ठ नागरिक सेवा केन्द्रको रुपमा दिवा सेवा सञ्चालन गरेको छ ।
![](https://samanantarmedia.com/wp-content/uploads/2023/07/FB_IMG_1689263667471-1024x683.jpg)
प्राकृतिक चिकित्सालय संचालन र निर्माणधिन अवस्थामा छ । धार्मिक संस्थाले सर्वशुलभ रुपमा एम्बुलेन्स प्रदान गर्दै आएको छ । धर्म सांस्कृतिक संरक्षणका लागि धार्मिक कथा वाचन संचालन गर्ने गरेको छ । टाढा टाढाबाट आउनु हुने साधु सन्त तथा दर्शनार्थीहरुका लागि आवास तथा भोजनको व्यवस्था गरेर समाजमा उत्कृष्ठ सामाजिक सेवा प्रदान गर्दै आएका छ ।
यसै गरी यस वर्षको श्रीपति सामाजिक पत्रकारिता पुरस्कार २०८० बाट पत्रकार नारायण कार्कीलाई सम्मान गरिने भएको छ ।
![](https://samanantarmedia.com/wp-content/uploads/2023/07/FB_IMG_1689263689331-1024x683.jpg)
विन्दावासिनी धार्मिक क्षेत्र विकास समिति २२ हजार २ सय २२ रुपैया र सम्मानपत्रले सम्मान गरिने श्रीपति कोइराला गुठीका सचिव नवराज कोइरालाले जानकारी दिए । कार्की अहिले विविसि नेपाल सेवामा पोखराबाट काम गर्दछन् । उनले यस अगाडी हिमालयन टाइम्स दैनिक, जनमत दैनिक, पोखरापत्र दैनिक, समाधान दैनिक लगाएतका पत्रिकामा सम्पादक र प्रधानसम्पादक भएर काम गरिसकेका छन् ।
पुरस्कार छनौट समितिका ६ जना विज्ञ सदस्यहरुमा प्राडा दिल बहादुर क्षेत्री, गेहेन्द्रेश्वर कोइराला, प्रा. डा. विश्वकल्याण पराजुली, अशोक पालिखे, दिपेन्द्र श्रेष्ठ र विमला भण्डारी रहनु भएको छ ।