✍️ अजय क्षेत्री
६८औं राष्ट्रिय सहकारी दिवस “मर्यादित सहकारी : समुन्नत समाज” तथा संस्थाको १६औं स्थापना दिवस “सदस्य खुशीको आधार : प्रविधियुक्त सुरक्षित कारोबार” नाराका साथ सिवाईसी साकोस अर्जेवा सदस्य सेवा केन्द्र, अर्जेवाद्वारा सामाजिक उत्तरदायित्व अन्तर्गत जैमिनी नगरपालिका-०६, साविक वडा नम्बर ०१, सुम्सामा रहेको देउराली देवी मन्दिर परिसरमा सरसफाई कार्यक्रम सम्पन्न गरिएको छ।
उक्त कार्यक्रम २०८१ साल चैत्र १९ गते मंगलबारका दिन सम्पन्न भएको थियो। कार्यक्रममा सिवाईसी साकोस अर्जेवाका संयोजक दल बहादुर थापा ज्युले सहकारी संस्थाले प्रदान गर्ने निरन्तर सेवा तथा सुविधाबारे जानकारी गराउनुका साथै सामाजिक सेवामा समेत संस्थाले योगदान दिँदै आएको उल्लेख गर्नुभयो।
कार्यक्रममा व्यवस्थापन उपसमिति, कर्मचारी, शेयर सदस्य तथा गैर-सदस्य गरी कुल १८ जनाको उपस्थिति रहेको थियो। कार्यक्रमको सञ्चालन सेवाकेन्द्र प्रमुख य. कुमारी विक ज्युले गर्नुभएको थियो।
