✍️ सुजन आचार्य
तराई विद्यार्थी सेवा समाज, एडुहब एजुकेशन फाउन्डेसनले पोखरा बिश्वविद्यालयमा आउँदो फागुन २ गते कल्चरल फेयर २०८० को आयोजना गर्ने भएको छ ।
पोखरा विश्वविद्यालयमा सरस्वती पूजाको अवसरमा दोस्रो पटक हुन लागेको यस कार्यक्रमको शुभारम्भ भने केहिदिन अघिनै भईसकेको छ ।
सांस्कृतिक मेलाका अन्य पूर्वकार्यक्रमहरु आरम्भ भईसकेको छ भने फागुन २ गते सरस्वती पूजाको दिन विशेष कार्यक्रमसहित समापन हुने आयोजकले जनाएको छ ।
उक्त दिन विश्वविद्यालयमा साँस्कृतिक कार्यक्रमको साथमा विभिन्न प्रकारका खानाका स्टलहरु, र्याम्प वाक, कला, साहित्य र शिल्प सम्बन्धि स्टलहरु रहने आयोजकले जनाएको छ ।
कल्चरल फेयर २०८० लाई भव्यताका साथ सम्पन्न गर्न सबैको साथ र सहयोगको अपेक्षा आयोजक समितिले गरेको छ।
तराई विद्यार्थी सेवा समाज पोखरा बिश्वविद्यालयले गतवर्ष चर्चित कलाकार संदीप क्षेत्रीको बिशेष उपस्थितिमा कल्चरल फेयर २०७९ सम्पन्न गरेको थियो ।
