पोखरा महानगर पालिकाको एक वडा एक उत्पादन कार्यक्रम अन्तर्गत पोखरा १६ लाई मौरी पालनको पकेट क्षेत्रका रूपमा विकास गरिने भएको छ । सो अनुरूप मौरी पालक कृषकहरूलाई १९२ आवश्यक सामग्री सहितका मौरी घारहरू ५० प्रतिशत अनुदान सहुलियतमा उपलब्ध गराइएको छ ।
माहुरी सहित प्रदान गरिएका ती घारहरूमा १ महिना भित्रमा माहुरी मर्ने वा घार छोडेर जाने समस्या देखिए पुनः माहुरी उपलब्ध गराउनुका साथै १ वर्ष सम्म निःशुल्क प्राविधिक सहायता प्रदान गर्ने व्यवस्था समेत मिलाइएको वडा नं.१६ का वडा अध्यक्ष अमृत शर्मा तिमिल्सीनाले बताउनुभयो ।
मह उत्पादन वृद्धि गरी पोखरा १६ लाई महमा आत्मनिर्भर बनाउँदै कृषि क्षेत्रलाई व्यवसायीकरण गर्नका लागि उक्त कार्यक्रम कोसेढुंगा साबित हुने महानगरका आर्थिक विकास महाशाखा प्रमुख मनहर कडरियाले विश्वास व्यक्त गर्नुभयो ।
