✍️ अजय क्षेत्री
तनहुँ – तनहुँ जिल्ला हक्की संघको नेतृत्वमा कबिराज श्रेष्ठ चयन भएका छन्। संघको नयाँ कार्यसमिति चयन गर्दै अध्यक्ष कबिराज श्रेष्ठ सहित ७ सदस्यीय टोली गठन गरिएको छ। उपाध्यक्षमा भुपाल आले मगर, सचिवमा शेष राज श्रेष्ठ, कोषाध्यक्षमा उमेश भण्डारी र सदस्यहरूमा मालति अधिकारी (गिरी), गणेश बहादुर केसी, र गगन बहादुर केसी चयन भएका छन्।
प्रदेश प्रतिनिधिका रूपमा बल बहादुर शाही र कबिराज श्रेष्ठ चयन भएका छन्।
कार्यक्रममा हक्की संघका केन्द्रीय सदस्य हितकुमार गुरुङ, गण्डकी प्रदेश हक्की संघका अध्यक्ष दिपक बहादुर थापा, सदस्य अजय क्षेत्री, सदस्य रविकान्त आचार्य, र तनहुँ जिल्ला खेलकुद विकास समितिका अध्यक्ष अनिल पाण्डे प्रमुख अतिथि रहेका थिए। साथै, तनहुँ खेलकुद कार्यालयका प्रमुख शिवहरी पण्डितको पनि उपस्थिति रहेको थियो।
नयाँ नेतृत्वले तनहुँमा हक्की खेलको विकास र प्रवर्द्धनमा थप योगदान दिने विश्वास व्यक्त गरिएको छ।
