रुपा गाउँपालिकामा साविक वडा स्तरीय खुल्ला भलिवल प्रतियोगीता हुने भएको छ । राष्ट्रिय युवा संघ नेपाल रुपा गाउँपालिका कमिटिको आयोजनामा आगामी माघ १७ गते देखि २० गते सम्म रुपा ५ मा रहेको खड्गाउँ खेल मैदानमा हुने आयोजकले जानकारी दिएको छ ।
प्रतियोगितामा समुह दर्ता ३ हजार ५ सय लाग्ने छ । प्रतियोगितामा प्रथम हुने वडाले ५० हजार शिल्ड मेडल, ट्रफि र प्रमाण पत्र प्राप्त गर्ने छन् भने दोस्रो हुने समुहले २० हजार साथमा शिल्ड मेडल ट्रफि प्राप्त गर्ने छन् । प्रतियोगिताको सेमिफाइनल पुग्ने दुई समुहलाई नगद १० हजार प्रदान गरीने युवा संघ नेपाल रुपा गाउँपालिका कमिटिले जनाएको छ ।
प्रतियोगितामा विभीन्न झाकी प्रर्दशनी तथा विद्यालय स्तरीय दौड प्रतियोगिता समेत समावेश गरीएको आयोजकले जनाएको छ । दौड १५ सय मिटर दौडमा पहिलो दोस्रो र तेस्रो हुनेले क्रमश ८ हजार ४ हजार र दुई हजार प्राप्त गर्ने छन् । ८ सय मिटर दौडमा पहिलो दास्रो र तेस्रो हुनेले क्रमश ६ हजार ४ हजार र दुई हजार पाउने छन् । दौड माघ १८ गते बिहिबार हुने छ ।
