✍️ अजय क्षेत्री (कास्की)
पोखरा – साहारा क्लबको २७औं वार्षिकोत्सवको अवसरमा महाशिवरात्रिका दिन गायिका ममता तामाङ र कलाकार तथा पत्रकार अर्जुन थापाले सांगीतिक प्रस्तुति दिने भएका छन्।
करिब दुई दशकदेखि पत्रकारिता र कलाकारितामा सक्रिय अर्जुन थापा पछिल्लो समय स्टेज कार्यक्रममा निकै व्यस्त छन्। उनले विभिन्न नाटक तथा म्युजिक भिडियोहरूमा अभिनय गरिसकेका छन्। यस पटक आफ्नै गाउँमा प्रस्तुति दिने अवसर पाउँदा आफू निकै खुसी रहेको उनले बताए।
गायिका ममता तामाङ पनि हाल व्यस्त कलाकारको रूपमा परिचित छिन्। उनको “मेरी भूपू मायाले” गीत युट्युबमा अत्यधिक रुचाइएको थियो। उनका अन्य चर्चित गीतहरूमा “काफलु दाना” र “माकुरीको जाल” रहेका छन्, जसमा टिकटक, फेसबुक र इन्स्टाग्राममा धेरै प्रयोगकर्ताले भिडियोहरू बनाएका छन्। आफूलाई प्रकृतिप्रेमी बताउने तामाङले पहिलो पटक बागलुङको अर्जेवा जान पाउँदा खुसी लागेको बताइन्।
कार्यक्रम संयोजक रोशन क्षेत्रीका अनुसार कार्यक्रमलाई भव्य र सफल बनाउन दर्शकको बाक्लो उपस्थिति रहने अपेक्षा गरिएको छ।
