“रक्तदान नै जीवनदान, जीवनदान नै महादान” भन्ने मुल नारालाई आत्मसात गर्दै जय रुपाताल बचत तथा ऋण सहकारी संस्थाको आयोजनामा मिति २०८०।०८।२२ गते शुक्रबार नेपाल रेडक्रस सोसाइटी, कास्की जिल्ला शाखाद्धारा सञ्चालित प्रादेशिक रक्तसञ्चार सेवा, पोखराको प्राविधिक सहयोगमा चौथो रक्तदान कार्यक्रम सम्पन्न भएको छ ।
आफ्नो वार्षिक कार्यक्रम अन्तर्गत रहेको उक्त रक्तदान कार्यक्रम लेखनाथ उद्योग वाणिज्य संघका अध्यक्ष विनोद श्रेष्ठको प्रमुख आतिथ्यतामा सम्पन्न भएको हो । उक्त कार्यक्रममा ३५ जना व्यक्तिले ३५ युनिट रगत दान गरि मानवताको पूण्य कार्यमा सहयोग गर्नु भएको थियो ।
उक्त कार्यक्रमको स्वागत मन्तब्य रोषनी कार्की बोहोराले राख्नु भएको थियो । कार्यक्रमको सभाध्यक्ष सामाजिक उत्तरदायित्व उप समिति का संयोजक सावित्री सुवेदीले ग्रहण गर्नुभएको थियो ।
कार्यक्रममा संस्थाका अध्यक्ष धिरजकुमार श्रेष्ठ, सल्लाहकार शिवराज पण्डीत आदिले आफ्नो मन्तव्य प्रस्तुत गर्नुभएको थियो साथै संस्थाको सहसचिव वसन्त जोशिले कार्यक्रम सञ्चालन गर्नुभएको थियो ।
