पोखरा – पोखरामा पहिलोपटक आयोजना हुन लागेको ‘पोखरा एक्सचेन्ज एन्ड टेस्ट ड्राइभ कार्निभल’ माघ ५ गते शनिबारदेखि सुरु हुने भएको छ। बराल ग्रुप पोखराको आयोजनामा तीन दिनसम्म चल्ने यो कार्निभल पोखरा इभेन्ट सेन्टर, बुलौदी, लेकसाइडमा हुनेछ।
यस कार्निभलमा निसान, ओमोडा, जेइको, जिकर, लिपमोटर, र सिट्रन ब्राण्डका गाडीहरूको प्रदर्शनी र टेस्ट–ड्राइभको अवसर उपलब्ध हुनेछ। सहभागीहरूले नयाँ मोडेलका गाडीहरूको प्रत्यक्ष अनुभव गर्नका साथै आकर्षक छुट र अफरहरूको फाइदा उठाउन सक्नेछन्।
प्रमुख आकर्षणहरू:
↘️पुराना गाडीको एक्सचेन्ज सुविधा र एक्सचेन्ज बोनस
↘️८०% सम्मको वित्तीय सहजीकरण
↘️निःशुल्क ७ किलोवाटको वाल चार्जर (इभी खरिदमा)
↘️हरेक खरिदमा निःशुल्क एक्सेसरिज र अटो प्लस इन्सुरेन्स
↘️प्रतिस्पर्धात्मक बैंक ब्याजदरमा फाइनान्सिङ सुविधा
कार्यक्रममा गोल्छा अर्गनाइजेसन र शारडा ग्रुपको सहकार्यमा अत्याधुनिक विद्युतीय र पेट्रोल गाडीहरू प्रदर्शन गरिनेछ। सहभागीहरूले निसान म्याग्नाइट, सिट्रन इ–सि–३, ओमोडा, जेइको, र जिकर जस्ता लोकप्रिय ब्राण्डका गाडीहरूको टेस्ट–ड्राइभ गर्न सक्नेछन्।
सहभागिताका लागि आमन्त्रित
पोखरा तथा आसपासका गाडी पारखीहरूलाई कार्निभलमा सहभागी भई उत्कृष्ट अफरहरूको लाभ उठाउन आमन्त्रित गरिएको छ। कार्यक्रम माघ ७ गते सोमबारसम्म सञ्चालन हुनेछ।
