✍️अजय क्षेत्री
अख्तियार दुरुपयोग अनुसन्धान आयोग पोखरा कार्यलयले पोखरा महानगरपालिका वडा नम्बर २४ कि दलित महिला सदस्य मैया नेपालीमाथी अनियमितताको आरोपमा छानबिन शुरु गरेको छ ।
वडा स्तरीय समितिको नाममा कृषि सामग्री खरिदको भुक्तानीमा आर्थिक अनियमितता गरेको भन्दै नेपालीमाथि छानबिन भएको हो ।
कृषि औजार, प्लास्टिक टनेल र औजार खरिद गर्दा आर्थिक रकम अनियमितता गरेको भन्दै उनिबिरुद्द परेको उजुरीका आधारमा अख्तियारले छानबिन गरेको जनाएको छ ।
अख्तियारले नगर कार्यपालिकाको कार्यलय मार्फत वडा कार्यलयसँग सो बेलाको सम्पुर्ण विवरण माग गरेको छ । माग अनुसार वडा कार्यलयले पोखरा महानगरपालिकालाई सामान खरिद र भुक्तानीका कागजात पठाएको छ । तर उक्त भुक्तानी दिने निर्णय भने नभएको वडा कार्यलयको पत्रमा उल्लेख छ ।
अर्थिक वर्ष २०७९/८० को कार्यक्रम अन्तरगत नेपालीले रकम निकासा गरेको जनाइएको छ । उनले वडाको साथै किसानसँग पनि रकम उठाएकि थिइन् ।
नेपाली २०७९ को स्थानीय निर्वाचनमा नेकपा एमालेको तर्फबाट दलित महिला सदस्यमा निर्वाचित भएकी हुन् ।
