मुलतः बीमा जीबन, निर्जीवन र पूनर्बीमा गरी ३ प्रकारका हुन्छन् । ती मध्ये मानिसहरूको बीमा जीबन बीमा अन्तगर्त गरिन्छ । त्यस्तैगरि,तीन जीवन बीमा कम्पनी मर्जर भएर बनेको हिमालयन लाइफ इन्स्योरेन्स कम्पनीले एकिकृत कारोबारको तयारी सँगै नयाँ लोगो सार्वजनिक गरेको छ । लोगोमा तीन वटा रंगलाई समायोजन गरिएको छ । लोगो भित्रै हिमालयन लाइफ सुरक्षा अटल, भविष्य सबल भन्ने नारा सहितको ब्राण्ड स्लोगन उल्लेख गरिएको छ । लोगोले श्रीमान, श्रीमती र बच्चालाई रक्षावरण गर्ने संकेत प्रदान गर्दछ । जसमा एचएलआई शब्दलाई मिश्रण गरिएको छ।
प्राइम लाइफ, गुराँस लाइफ र यूनियन लाइफ मिलेर बनेको हिमालयन लाइफ इन्स्योरेन्स कम्पनीले यहि बैशाख अन्तिम सातामा एकिकृत कारोबार गर्ने तयारी गरेको छ ।
तीन कम्पनीले गत माघमा बराबरी हैसियतमा मर्जर गर्ने अन्तिम सहमितपत्रमा हस्ताक्षर गरेका थिए । सहमतिपत्रमा हस्ताक्षर सँगै तीन वटै कम्पनीले साधारणसभाबाट मर्जरको विशेष प्रस्ताव पारित गरेका थिए । मर्जर पछि हिमालयन लाइफको सञ्चालक समितिको अध्यक्षमा सुलभ अग्रवाल र प्रमुख कार्यकारी अधिकृतमा मनोजलाल कर्णले निरन्तरता पाउने छन् । बाँकी दुई कम्पनीका प्रमुख कार्यकारी अधिकृतहरु डिसिइओ बन्ने सहमति भएका छन् ।
नियामक निकायहरुबाट जति सक्दो छिटो अनुमति आउछ त्यति नै छिटो एकिकृत कारोबार गर्ने तयारीमा मर्जर कमिटी रहेको छ । मर्जरका कारण व्यवसाय प्रभावित बने पछि कम्पनीले सक्दो छिटो मर्जर टुङ्ग्याउने तयारी गरेको हो । मर्जर पछि तीन वटा कम्पनीको कर्मचारी एकै ठाँउमा हुने भएकाले मर्जर अगाडी नै तीन वटै कम्पनीले स्वेच्छिक अवकासको योजना ल्याएका छन् । कर्मचारीहरुलाई स्वेच्छिक अवकासमा आकर्षिक गर्न कम्तिमा पनि एक वर्षदेखि २८ महिनासम्मको तलब पाउन सक्ने व्यवस्था गरिएको छ । एकिकृत कारोबार अगाडी नै भिआरएस प्रकृया टुङ्गो लगाउने कम्पनीको तयारी छ ।
