✍️विवेक न्याैपाने
देशकै एक परिचित,लाेकप्रिय तथा पर्यटकीय ठाँउ हो पोखरा शहर । घुमफिरमा रुची राख्नेहरुले कुनै न कुनै दिन यस ठाउँलाई आफ्नो गन्तव्य बनाउने सपना बुनेका हुन्छन् । पोखरामा फरक तरिकाले स्वादका पारखीहरूलाई सन्तुष्टी दिने उद्देश्यले बिनु गिरी र बसन्ती बास्तोलाले सुरु गरेका छन् ‘सरुमा चुल्हो एण्ड बार’ ।
पोखराको मुटु मानिने न्यूरोड तेस्मा पनि सभागृह चाेक विशेष मानिन्छ सभागृह हलकाे ठीक अगाडी मिडटाउन ग्यालरी छ जुन पाेखराकाे मुख्य व्यवसायिक भवन हाे ।मिडटाउनकाे पार्किङ क्षेत्रकाे ठिक अगाडि छ `शरूमा चुल्हो एण्ड बार´ ।
जीवनका पृष्ठभूमिका हिसाबले बिनु र बसन्ती फरक–फरक क्षेत्रमा काम गर्दै अगाडि बढेका व्यक्ति हुन् । बिनुले केही वर्षको अस्थायी सरकारी जागिर छाडेर रोजगारका लागि जापान गइन् । झण्डै एक दशक लामो जापान बसाइपछि नेपालमा नै व्यवसायिक जीवन सुरु गर्ने उद्देश्यले उनी एक वर्ष अगाडी मात्रै नेपाल फर्किएकी हुन् ।
त, कलेजको पढाईसँगै बसन्तीले पत्रकारिताबाट आफ्नो व्यवसायिक जीवन सुरु गरिन् । अन्य विभिन्न सहायक कामहरुसँगै अहिलेपनि पत्रकारितालाई उनले आफ्नो मुख्य पेसा बनाइरहेकी छन् । बिनु र बसन्ती स्वभाव र जीवनशैलीका हिसाबले आधुनिक पुस्ताका महिलाका रूपमा प्रस्तुत छन् ।उनीहरूकाे सम्बन्ध करिब २५ वर्ष लामाे रहेकाे बताउछन् ।
‘सरुमा’ एउटा पुरै घरमा सञ्चालन गरिएको छ । रेष्टुरेन्टको गेटबाट प्रवेश गर्नेवित्तिकै सजिसजाउ बगैंचा जस्तो परिवेशले ग्राहकलाई स्वागत गर्छ । रेष्टुरेन्टको भवनभित्र प्रवेश गर्नुअगाडि नै कफी बार निर्माण गरिएको छ । बाहिरी वातावरणमा नै बसेर कफी पिउन तथा खाजा खान चाहनेहरु बाहिर नै बसेर लिन सकिन्छ । ‘सरुमा’ले रेष्टुरेन्टलाई बालमैत्री होस् भन्ने हिसाबले भुईंतलाको बगैंचा र टपमा झुलन कुर्चीहरुको व्यवस्था पनि गरेको छ ।
`सरूमा´२०७९ सालकाे कार्तिक महिना लक्ष्मीपुजाका दिन अनाैपचारिक उद्घाटन गरेका हुन । अजै पृथक तथा औपचारिक हिसाबले वि.स.२०८० साल बैशाख २० गते गर्ने निधो गरेका छन् ।बैशाख २० गते अनाैपचारिक उद्घाटन भएपनि खाना र खाजाकाे लागि सधै खुला छ `सरूमा´ ।
