“जीवन र जगतको यथार्थवोधका लागि अक्षरयात्रा” भन्ने मूलमन्त्र लिई २०६२साल असारदेखि निरन्तर संचालन गर्दै आएको पर्यटकीय साहित्यिक कार्यक्रम “अक्षरयात्रा”को २०६औं शृंखला पोखरा-५, मालेपाटनमा अवस्थित मनकामना मन्दिरको परिसरमा सम्पन्न भयो ।
कार्यक्रममा मन्दिर व्यवस्थापन समितिका अध्यक्ष पुष्पराज बरालले ‘धार्मिक सांस्कृतिक संस्थाहरु र साहित्यकारहरुले गर्ने कामको अन्तर्वस्तु भनेको देशको भाषा, संस्कृति र साहित्यको संरक्षण एवं बिकाश हो । बिभिन्न ठाउँमा गइ कार्यक्रम गर्नु प्रशंसनीय काम भएको र दुई दशकदेखि निरन्तर कार्यक्रम गर्नु आँफैमा चुनौति भएको” भनि प्रशंसा गरे ।
यात्राका परिकल्पनाकारमध्येका एक लक्ष्मण थापाले “ बिभिन्न ठाउँमा गइ तत्स्थानमा सिर्जना गरिएका रचनाहरु वाचन गर्ने यस कार्यक्रमले सर्जकहरुलाई पनि नयाँ विषयवस्तु प्राप्त हुने र ती ठाउँहरुको पनि प्रचार हुने भएकोले यस यात्राले पर्यटकीय प्रवर्धनमा पनि मद्दत पुग्ने” कुरा बताए ।
कार्यक्रममा नेपाली लेखक संघ, गण्डकीका अध्यक्ष डा. ईश्वरमणि अधिकारी, नेपाली लेखक संघ,कास्कीका अध्यक्ष रीता अधिकारी ‘ऋतु ‘ , श्रीराम अधिकारी गोर्जे, ढाकामोहन बराल, लक्ष्मी देवकोटा, शोभाकान्त गौंडेल , त्रिलोचन सापकोटा, चित्रप्रसाद बराल
, रामप्रसाद पौडेल, मेघनाथ कुँवरले रचना वाचन गरेका थिए ।
गजलसन्ध्याका सदस्य माधव खतिवडा र मन्दिर व्यवस्थापन समितिका अध्यक्ष पुष्पराज बरालको संयुक्त अध्यक्षतामा संचालित कार्यक्रमको संचालन गजलसन्ध्याका सचिव त्रुपकले गरेका थिए ।