पोखरा । प्रदेश खेलकुद परिषद् गण्डकीको आयोजना र कास्की जिल्ला टेबुलटेनिस संघको व्यवस्थापनमा भएको गण्डकी प्रदेश स्तरिय टेबुलटेनिस च्याम्पियनसिप प्रतियोगिता मंगलबारदेखि सुरु भएको छ ।
कार्यक्रमका प्रमुख अतिथि प्रदेश खेलकुद परिषद्का उपाध्यक्ष धोज कुमार गुरुङले प्रतियोगिताको उद्घाटन गर्दै टेबुलटेनिस लगायतका सबै खेल संघहरुलाई परिषद्ले सहयोग गरेको हुदाँ खेलाडीहरुले धेरैभन्दा धेरै फाइदा लिन सक्नुपर्ने वताए ।
जेठ ३१ गते सम्म संचालन हुने प्रतियोगितामा गण्डकी प्रदेशका १० जिल्लाबाट २६ खेलाडीहरु र ८ व्यवस्थापक एवम् प्रशिक्षकको सहभागिता रहेको छ भने उनिहरुको लागि खान, वस्न र एकतर्फि वस भाडा आयोजकले व्यवस्थापन गरेको छ ।
सो अवसरमा कास्की जिल्ला टेबुलटेनिस संघका अध्यक्ष उत्तम जोशी, सचिव कृष्ण रानाभाट, प्राविधिक संयोजक रजन सुब्बा लगाएतले वोलेका थिए ।